იტალიელმა ფეხბურთელმა, მარიო ბალოტელიმ ჟურნალისტებთან ისაუბრა “ევროპის ჩემპიონატის” შესახებ და იმედი, გამოთქვა, რომ აღნიშნული ტურნირი მისი მეგობრის, პოლ პოგბასა და საფრანგეთის ეროვნული ნაკრების გამარჯვებით დასრულდება.

“ობიექტურად, რომ ვთქვათ გერმანელები ტურნირის მთავრი ფავორიტები არიან, მაგრამ  სუბიექტურად თუ მივუდგებით ამ საკითხს, ძალიან მინდა, რომ  “ევრო 2016″ მასპინძელმა საფრნაგეთმა მოიგოს.”

“2012 წელს ჩვენ სწორედ ნახევარფინალში შევხვდით გერმანიას. მიმაჩნია, რომ ის გუნდი 2016 წლისაზე ცოტათი უფრო ძლიერი იყო. ისინი უფრო კომპაქტურ და დალაგებულ ფეხბურთს თამაშობდნენ, მაგრამ წლევანდელი ნაკრებიც, რა თქმა უნდა, უმაღლესი დონისაა. იმედია, მათ დამარცხებას და, საბოლოო ჯამში, ტურნირის მოგებას ფრანგები მოახერხებენ,” – განაცხადა ბალოტელიმ.

იტალიელმა ფორვარდმა, ასევე, დიმიტრი პაიეზე  ისაუბრა:“ის შესანიშნავი ფეხბურთელია. ამ შეჯიბრებაზე პაიე თამაშიდან თამაშამდე უმატებს. ვფიქრობ, რომ სწორედ ის უნდა გახდეს “ევროპის ჩემპიონატის” საუკეთესო ფეხბურთელი.”

საფრანგეთის ნაკრებისა და, ზოგადად, ფეხბურთის ლეგენდამ, ტიერი ანრიმ მის თანამემამულე პოლ პოგბაზე ისაუბრა და განაცხადა, რომ აღნიშნულ მოთამაშეს აქვს ყველაფერი, რათაც შეუძლია, ფეხბურთში სხვა დანარჩენზე მაღლა იდგეს.

“პოგბა დღესდღეობით მსოფლიოს ერთ-ერთი საუკეთესო ნახევარმცველია. მიმაჩნია, რომ მას აქვს ყველა ის თვისება, რომელითაც მსოფლიოს საუკეთესო ფეხბურთელად გახდომა შეუძლია. უბრალოდ, მთავარია, რომ პოლმა თავისი შესაძლებლობების ირწმუნოს.”

“ყველაზე მეტად იცით რა მომწონს მასში? ის, რომ გუნდს რაც სჭირდება და მწვრთნელი რასაც სთხოვს, სწორედ იმას აკეთებს. მას ნებისმიერი სამუშაოს შესრულება უმაღლეს დონეზე შეუძლია.”

“ზოგჯერ ისე ჩანს, რომ პოგბა ნაკრებში ისეთივე ეფექტური არაა, როგორც “იუვენტუსში.” ჩემი აზრით, ეს იმის ბრალია, რომ  “ბებერი ქალბატონისგან” განსხვავებით, ეროვნულ გუნდში პოგბასა და ფორვარდის (ჟირუს) შორის გრიზმანი დგას. შესაბამისად, ხშირად სწორედ ანტუანი უზღუდავს სამოქმედო ასპარეზს პოლს.”

“ძალიან დიდი იმედი მაქვს, რომ  იგი “პრემიერ ლიგაში” ითამაშებს. მას ნამდვილად აქვს ის თვისებები, რაც ამ ჩემპიონატისთვის სჭირდება ფეხბურთელს,” – განაცხადა ტიერი ანრიმ.

ბელგიის ნაკრებისა და “რომას” ფეხბურთელმა, რაჯა ნაინგოლანმა ჯერ კლუბში შესანიშნავი სეზონი ჩაატარა და გუნდის ერთ-ერთი საკვანძო ფიგურა იყო, შემდეგ კი “ევრო 2016″-ზე ეროვნული ნაკრების მაისურით ხუთ მატჩში ორი ულამაზესი გოლი გაიტანა. მისი ასეთი წარმატებული ასპარეზობა მხედველობის მიღმა არ დარჩენიათ “ჩელსის” მესვეურებს.

როგორც ირკვევა, ფეხბურთელსა და “არისტოკრატების” მწვრთნელ, ანტონიო კონტეს შორის იყო კონტაქტი ტრანსფერის თაობაზე. აღნიშნულის შესახებ, თვითონ მოთამაშემ დაუდასტურა უცხოურ გამოცემებს.  თუმცა, საბოლოოდ, რაჯამ უარი განაცხადა ინგლისურ გრანდში გადასვლაზე.

აღნიშნულთან დაკავშირებით ბელგიელმა შემდეგი რამ თქვა:“დიახ, “ჩელსის” ხელმზღვანელობისგან იყო ჩემდამი ინტერესი. მაგრამ მინდა გითხრათ, რომ მე ვესაუბრე “რომას” სპორტულ დირექტორს, საბატინის და, საბოლოოდ, გუნდში დარჩენა გადავწყვიტე.”

შეგახსენებთ, რომ ბელგიელ ფეხბურთელს რომაელებთან კონტრაქტი 2020 წლამდე აკავშირებს.

გუშინ “ევროპის ჩემპიონატის” მეორე ნახევარფინალური შეხვედრა გაიმართა საფრანგეთისა და გერმანიის ნაკრებ გუნდებს შორის. მიუხედავად იმისა, რომ მოქმედი მსოფლიო ჩემპიონები მთელი თამაშის განმავლობაში აკონტროლობდნენ ბურთს და ძალიან დიდ უპირატესობას ფლობდნენ, ისინი მაინც დამარცხდნენ. ნოიერის კარი ორივერ ტაიმში თითოჯერ ანტუან გრიზმანმა აიღო და საფრანგეთის ნაკრებს ფინალის საგზური მოუტანა.

აღნიშნულ შეხვედრასთან დაკავშირებით ისაუბრა გერმანელთა ნახევარმცველმა, ტონი კროოსმა:“წავაგეთ, მაგრამ ვერანაირად ვერ დავადანაშაულებ გუნდს. ჩვენ  უამრავი მომენტი გვქონდა, რომელთა შორის 3-4 100%-იანი იყო. თუმცა, სამწუხაროა, რომ მთელი თამაშის განმავლობაში საშინლად უიღბლოები ვიყავით. ჩემი აზრით, მიმდინარე ჩემპიონატზე ეს გერმანიის ნაკრების საუკეთესო გამოსვლა იყო, უბრალოდ დღეს ფორტუნა ჩვენკენ არ იყო.”

გუშინდელი გამარჯვების შემდეგ, ჟურნალისტებთან საფრანგეთის ნაკრების ფორვარდმა, ოლივიე ჟირუმ ისაუბრა.

“ძალიან დაძაბული მატჩი გამოვიდა. მართალია, გერმანია უპირატესობას ფლობდა, მაგრამ პირელი ტაიმის მიწურულს გოლის გატანა საკვანძო მომენტი იყო ჩვენს გამარჯვებაში.”

“საბოლოო ჯამში, ემოციური ღამე გამოვიდა. ჩვენ დიდ ბრძოლაში უძლიერესი გუნდი დავამარცხეთ და ფინალის საგზური დავისაკუთრეთ. ძალიან დაღლილები ვართ, მაგრამ ყველაზე მთავარი მომენტი წინაა. არ უნდა მოვდუნდეთ და კვირას გასამართ შეხვედრაზე გადავერთოთ. გვინდა, რომ აღნიშნულ დღეს წარმატებულად დავასრულოთ ტურნირი და ამით ისტორია დავწეროთ,” – განაცხადა საფრანგეთის ნაკრებისა და “არსენალის” შემტევმა.

მიმდინარე სატრანსფერო ფანჯარაზე ქართველებისთვის ძალიან სასიხარულო ამბავი მოხდა. თბილისის “დინამოს” უკვე ყოფილი მარჯვენა მცველი, ახალგაზრდა ოთარ კაკაბაძე კატალონიურ “ხიმნასტიკში” გადავიდა. 21 წლის ფეხბურთელმა სამ წლიან კონტრაქტს მოაწერა ხელი.

Fanebi.Com დაუკავშირდა კაკაბაძეს და მასთან ინტერვიუ ჩაწერა.

– მოგესალმებით. უპირველეს ყოვლისა, გილოცავთ წინ გადადგმულ დიდ ნაბიჯს თქვენს კარერაში. ქართველ გულშემატკივარს აინტერესებს, თუ გქონდათ “ხიმნასტიკის” გარდა, სხვა გუნდებისგან შემოთავაზება?

– მადლობა მოლოცვისთვის. სიმართლე გითხრათ, სხვა გუნდებისგან სერიოზული შემოთავაზება ნამდვილად არ მქონია. “ხიმნასტიკი” ყველაზე კარგი და ოპტიმალური ვარიანტი იყო.

– რატომ აირჩიეთ ესპანური გუნდი?

– კატალონიურ კლუბთან სეზონის დასრულებამდე დიდი ხნით ადრე მქონდა კონტრაქტზე ხელი მოწერილი. შესაბამისად, სატრანსფერო ფანჯრის გახსნის შემდეგ სხვა შემოთავაზება რომც ყოფილიყო, მას ვერც განვიხილავდი.

– როგორი მოლოდინები გაქვთ? თქვენი აზრით, როგორი ატმოსფერო და გარემო დაგხვდებათ გუნდში?

– ხვალ მივფრინავ ესპანეთში და 11-ში შევუერთდები გუნდს. მოუთმენლად ველი, ეს როდის მოხდება. დარწმუნებული ვარ, რომ იქ ჩემთვის შესაბამისი გარემო და ხელსაყრელი პირობები დამხვდება; ყველაფერი ის, რაც კარიერის მხრივ წინსვლაში შემიწყობს ხელს.

– როგორ შეაფასებ “ხიმნასტიკის” შანსებს წლევანდელ სეზონში, შეუძლია გადასვლა “პრიმერა დივიზიონში”?

– ვთვლი, რომ “პრიმერა დივიზიონში” გადასვლა შეგვიძლია, მაგრამ ეს იმაზე რთული იქნება, ვიდრე წინა სეზონში. როგორც სარწმუნო ხმები იძახიან, წელს აღნიშნულ ჩემპიონატში ძალიან ბევრი კარგი გუნდია და, შესაბამისად, ძალიან დაძაბული უნდა გამოვიდეს იგი.

– “ხიმნასტიკში” გადახვედით და ეს ნამდვილად დიდი ნაბიჯია. ამ გადმოსახედიდან, თქვენი აზრით, შეგიძლიათ რამდენიმე ხნის შემდეგ უფრო ძლიერ გუნდში ითამაშოთ და უფრო განავითაროთ თქვენი ევროპული კარიერა?

– ვთვლი, რომ ესპანეთის “სეგუნდა დივიზიონი” ამ მომენტში საუკეთესო ვარიანტი არის ჩემთვის. საქართველოს ჩემპიონატიდან მაშინვე დიდ ჩემპიონატში გადასვლა, ფაქტობრივად, ძალიან რთულია, ამიტომ ასე ჯობს. რაც შეეხება ჩემს სამომავლო ევროპულ კარერას, დიდი იმედი მაქვს, რომ ნელ-ნელა გზას გავიკვლევ და უფრო და უფრო წინ წავალ.

“ბარსელონას” ფეხბურთელმა, დენის სუარესმა, რომელმაც ამ ზაფხულზე “ვილიარეალიდან” მიაშურა კატალონიურ გრანდს, მის თანაგუნდელ ნეიმარზე ისაუბრა.

“ბლაგურნა” მამაჩემმა შემაყვარა. მასთან ერთად ხშირად ვყურობდი “ბარსას” თამაშებს. ძალიან ბედნიერი ვარ, რომ რონალდინიოს “ბარსელონაზე” გავიზარდე. ბრაზილიელ ფეხბურთელში თანაბრად და მაღალი დოზით იყო ფანტაზია, კარგი დრიბლინგი და ტექნიკა. თანამედროვე ფეხბურთში ნეიმარის თამაში ძალიან მაგონებს რონალდინიოს სტილს.”

“რაც შეეხება მესის, იგი ყველა დროის საუკეთესოა! მისი მსგავსი მოთამაშე არასდროს მინახავს. ის ძალიან ბევრ ინდივიდუალურ რეკორდს ამყარებს. ამავე დროს, ლეო გუნდური მოთამაშეცაა. ის თამაშობს მთლიანად კოლექტივის წარმატებისთვის და მიზანს ხშირად აღწევს,” – განაცხადა სუარესმა.

სულ ცოტა ხნის წინ ოფიციალურად გახდა ცნობილი, რომ ქართველი თავდამსხმელი, ვლადიმერ დვალიშივილი, რომელიც პოლონური “პოგონის” ღირსებას იცავდა, თბილისის “დინამოში” ჩაირიცხა.

Fanebi.Com-ი დაუკავშირდა 30 წლის მოთამაშეს და მასთან ინტერვიუ ჩაწერა.

“ამ სატრანსფერო ფანჯარაზე, სამმა პოლონურმა გუნდმა შემომთავაზა კონტრაქტი, მაგრამ მეოთხე კლუბი იყო “დინამო”… მისი ხელმძღვანელობა დამიკავშირდა და მთხოვა, რომ მათ “ჩემპიონთა ლიგის” საკვალიფიკაციო ეტაპზე დავხმარებოდი. მეც ჩემი ქვეყნის გუნდს უარი ვერ ვუთხარი და თანამემამულეების დახმარება გადავწყვიტე. თუ “დინამო” რომელიმე ევროპული ტურნირის ჯგუფურ ეტაპზე გავა, აქ აუცილებლად დავრჩები, თუ არა და წასვლის ნებას კლუბიდან აუცილებლად მომცემენ; ეს უკვე შეთანხმებულია.”

“რაც შეეხება სომხურ “ალაშკერტს”, ეს ბაირიერი აუცილებლად უნდა დავძლიოთ!  იოლი არ იქნება, მაგრამ უბრალოდ “დინამო” ვალდებულია, რომ შემდეგ ეტაპზე გავიდეს. თუ მოვინდომებთ და ბოლომდე დავიხარჯებით, ძალიან დიდია იმის შანსი, რომ “ჩემპიონთა ლიგის” ფლეი-ოფშიც და, შემდეგ, ჯგუფურ ეტაპზეც ვითამაშოთ,” – განაცხადა “დინამოს” ქართველმა ახალწვეულმა.

“კრისტალ პალასის” მწვრთნელმა, ალან პარდიუმ ჟურნალისტებთან ისაუბრა და განაცხადა, რომ ინგლისის წლევანდელი ეროვნული გუნდი, ფაქტობრივად, არაფრით ჩამოუვარდება საფრანგეთს.

“ევრო 2016″-ის  მასპინძლები, რა თქმა უნდა, ძალიან ძლიერები არიან. მათ ეს იმით დაამტკიცეს, რომ ტურნირის ფინალში მოხვდნენ. თუმცა, მიმაჩნია, რომ ფრანგებსა და ინგლისელებს შორის განსხვავება, მხოლოდ, ანტუან გრიზმანია, რომელიც უდავოდ გამორჩეული მოთამაშეა. “ლურჯებს” “პრემიერ ლიგისათვის” დამახასიათებელი დინამიკური სტილი აქვთ.”

“საფრანგეთის ნაკრები ერთიანი, ძლიერი და დაბალანსებული გუნდია. მათგან  ინლისელებს ზოგიერთი რამის სწავლა ნამდვილად შეუძლიათ,” – განაცხადა “კრისტალ პალასის” დამრიგებელმა.

რამდენიმე დღის წინ გაირკვა “ევრო 2016″ წლის ფინალისტები, სადაც ერთმანეთს პორტუგალიისა და საფრანგეთის ეროვნული გუნდები დაუპირისპირდებიან. ამასთან დაკავშირებით Fanebi.Com-მა დაიწყო გამოკითხვის ჩატარება ცნობილ ქართველ ფეხბურთელებთან. ჩვენ ვეკითხებით მათ აღნიშნული თამაშის ფავორიტისა და მატჩის სცენარის შესახებ აზრს.

ამჯერად ჩვენი საიტის რესპოდენტი საქართველოს ნაკრებისა და აზერბაიჯანული “გაბალას” ნახევარმცველი, ნიკა კვეკვესკირა.

“ფინალის სპეციფიკიდან გამომდინარე ძალიან რთულია ფავორიტის დასახელება. ეს ხომ დასკვნითი მატჩია, სადაც არავინ იცის რა მოხდება. მიუხედავად ამისა, თუ ვინმე არის საფრანგეთსა და პორტუგალიას შორის ფავორიტი, ესენი ტურნირის მასპინძლები არიან. ამას, რა თქმა უნდა, ობიექტური მიზეზი აქვს: ფრანგები ყველა რგოლში ძალიან ძლიერები არიან, მათ დაბალანსებული გუნდი ჰყავთ.”

“საფრანგეთის ნაკრები არაა ერთ კაცზე დამოკიდებული, როგორც პორტუგალია. ამ ყველაფრიდან გამომდინარე, პორტუგალიელები, ჩემი აზრით, მეორე ნომრად ითამაშებენ. ისინი ე.წ. “მძიმე” ანუ თავდაცვაზე ორიენტირებული ნახევარდაცვით შეეცდებიან, რომ იგივე სცენარით წარმართონ შეხვედრა, როგორც ეს ხორვატიასთან გააკეთეს,” – განუცხადა Fanebi.Com-ს ნიკა კვეკვესკირმა.

Fanebi.Com-ი უკავშირდება ცნობილ ქართველ ფეხბურთელებს და მათ “ევრო 2016″-ის ფინალის შესახებ სთხოვს თავიანთი აზრის დაფიქსირებას. ამჯერად, ჩვენი საიტის რესპოდენტი საქართველოს ნაკრების ფეხბურთელი, გიორგი ჭანტურიაა, რომელიც საინტერესოდ საუბრობს ნახსენებ დაპირისპირებაზე.

“პირდაპირ ვიტყვი, საფრანგეთს პორტუგალიაზე ბევრად უკეთესი ნაკრები ჰყავს და მინდა, რომ  ტურნირის დასკვნითი მატჩი სწორედ მათ მოიგონ. მასპინძლების ლიდერი, ანტუან გრიზმანი ამას ნამდვილად იმსახურებს.”

“რაც შეეხება მატჩის სცენარს, რთული გამოსაცნობი არ უნდა იყოს… ვფიქრობ, რომ დაძაბული შეხვედრა იქნება: თამაშის სადავეებს ფრანგები პირველივე წუთებიდან ჩაიგდებენ ხელში და პორტუგალია კონტრშეტევებზე თამაშს შეეცდება,” – განაცხადა “ურალის” 23 წლის შემტევმა.

“ევრო 2016″-ის ფინალის შესახებ Fanebi.Com-თან კომენტარი “ხიმნასტიკის” ქართველმა ლეგიონერმა, ოთარ კაკაბაძემ გააკეთა.

“ორივე გუნდმა ძალიან დიდი ბრძოლები გადაიტანა აქამდე მოსასვლელად. მიუხედავად იმისა, რომ ფინალია და ყველაფერი შეიძლება მოხდეს, ფავორიტი მაინც “საფრანგეთია”. ეს ნაკრები პორტუგალიას ბევრ ასპექტში ჯობს. თანაც, ისინი მასპინძლები არიან. ვთვლი, რომ სწორედ ფრანგები იმსახურებენ გამარჯვებას. ფინალის სტატუსიდან გამომდინარე, ძალინა დაძაბული და საინტერესო შეხვედრა უნდა გამოვიდეს,” – განუცხადა Fanebi.Com-ს ქართველმა მარჯვენა მცველმა.

ბოლო დღეებში ვრცელდებოდა ხმები იმის შესახებ, რომ ლონდონის “არსენალის” თავკაცი, არსენ ვენგერი სერიოზულად იყო დაინტერესებული ლიონის “ოლიმპიკის” შემტევის, ალექსანდრ ლაკაზეტის შეძენით.

ამ საკითხზე ჟურნალისტებთან ისაუბრა ფრაგული კლუბის პრეზიდენტმა, აულასმა და განაცხადა, რომ ზემოთ ნახსენები ინფორმაცია ჭორია:“ევროპის ჩემპიონატზე” საფრანგეთის ნაკრების თამაშებს დავესწარი და არსენ ვენგერიც ვნახე, მაგრამ მას ერთი სიტყვაც კი არ უთქვამს ალექსანდრის ტრანსფერი თაობაზე. ის ინფორმაცია, რომ ლაკაზეტი შესაძლებელია, “მეთოფეებს” შეუერთდეს, ჭორია. კიდევ ერთხელ ვიმეორებ, “არსენალისგან” არანაირი შემოთავაზება არ მიგვიღია. ალექსს გუნდში დარჩენა და “ოლიმპიკისთვის” გამარჯვებების მოტანა სურს.”

დიდი დეშამის მატჩისშემდგომი კომენტარი…

“ძალიან რთულია ახლა საუბარი. უდიდეს იმედგაცრუებას ვგრძნობ. ჩვენ დრო გვჭირდება, რათა ეს ყველაფერი სწორად აღვიქვათ და გავაანალიზოთ. ამ ჩემპიონატზე მოვიგეთ ერთად, ვიბრძოლეთ ერთად და, სამწუხაროდ, დღეს ერთად დავმარცხდით. ფრანგი ხალხისთვის ძალიან დიდი ბედნიერების მომტანი იქნებოდა თასის მოგება, მაგრამ ეს ჩვენ ვერ მოვახერხეთ,” – განაცხადა ფრანგების მწვრთნელმა.

ფინალის შემდეგ დიმტირი პაიემ ჟურნალისტებთან კომენტარი გააკეტა იმ მომენტზე, როდესაც მასსა და კრიშტიანო რონალდოს შორის შეჯახების შედეგად, ამ უკანასკნელმა ტრავმა მიიღო და მოედნიდან გასვლა მოუწია…

“ეს უბრალოდ ორთაბრძოლა იყო, რომელშიც მეც და რონალდოც თამამად შევედით. საბოლოოდ, ისე მოხდა, რომ პორტუგალიელი დავაზიანე, მაგრამ, მერწმუნეთ, ეს შემთხვევით მოხდა და კრიშტიანოს ტრავმა ოდნავადაც არ მინდოდა.”

“არ ზის ჩემს ხასიათში, რომ სტადიონზე ცუდად და ასარსპორტულად მოვიქცე,” – განაცხადა დიმიტრი პაიემ.

მიმდინარე სატრანსფერო ფანჯარაზე თბილისის “დინამო” დატოვა ქართველმა მცველმა, გიორგი გველესიანმა. 25 წლის მოთამაშე თბილისურ გუნდში ათწლიანი ასპარეზობის შემდეგ, უკრაინულ კლუბში, ლუცკის “ვოლინში” გადავიდა.

Fanebi.Com-ი დაუკავშირდა გველესიანს და მასთან ინტერვიუ ჩაწერა…

 – პირველ რიგში, რა იყო “დინამოს” დატოვების მთავარი მიზეზი?

– “დინამოდან” წამოსვლის მიზეზებზე ბევრჯერ ვისაუბრე და აღარ მინდა კონკრეტულ დეტალებზე კიდევ ერთხელ ყურადღების გამახვილება. თბილისური კლუბი ჩემთვის გუნდზე მეტი იყო, არის და იქნება. მხოლოდ ერთს ვიტყვი, “დინამოდან” ჩემი ნებით არ წამოვსულვარ.

– რა მოგცათ დედაქალაქურმა კლუბმა ამ 10 წლის მანძილზე?

– აქ გატარებულმა ათმა წელმა მომცა უდიდესი გამოცდილება, როგორც ფეხბურთელს, ასევე ადამიანს. “დინამოდან” წამოსულს არსად გამჭირვებია თავის გამოჩენა და ეს სწორედ ამ კლუბის სკოლის დამსახურებაა.

– გქონდათ თუ არა ლუცკის “ვოლინის” გარდა სხვა შემოთავაზებები და რატომ აირჩიეთ ეს გუნდი?

– ახლა ყველაფერს დეტალურად გიამბობთ… როდესაც “დინამო” დავტოვე, ყოველდღე მირეკავდნენ ქართული კლუბების წარმომადგენლები და მათ გუნდებში თამაშს მთავაზობდნენ. მე ძალიან დიდ პატივს ვცემ ქართველებს, მაგარამ ამ ზაფხულზე გადავწყვიტე, რომ ჩემი კარიერისთვის უფრო უპრიანი უცხოეთში წასვლა იქნებოდა. სწორედ ამ დროს გამოჩნდა ლვოვის “კარპატის” წინადადება. მარტივად რომ აგიხსნათ, მათი შემოთავაზება ასე ჟღერდა: “ჩამოდი, ერთი მატჩი ითამაშე და ხელშეკრულებას გაგიფორმებთ.” ჩავედი ლვოვში, ჩავატარე შეთანხმებული შევხედრა და არ დამიტოვებია ცუდი შთაბეჭდილება. მიუხედავად ამისა, ისე არ მოხდა ყველაფერი, როგორც იყო დაგეგმილი, რადგან მწვრთნელი შეიცვალა გუნდში. შემდეგ იმასთანაც მომიწია თავის გამოჩენა. რაც არ უნდა გასაკვირი იყოს, ეს ხელმძღვანელიც მალევე მოხსნენს თანამდებობიდან და კიდევ ახალი დამრიგებელი მოვიდა. მე პირდაპირ მივედი მასთან და ვუთხარი, რომ მყისიერი გადაწყვეტილება მიეღო ჩემთან დაკავშირებით. მან მთხოვა, შეკრებაზე გავყოლოდი და იქ დამაკვირდებოდა; მხოლოდ ამის შემდეგ მეტყოდა, დამტოვებდა გუნდში თუ არა… მე მაშინვე უარი ვუთხარი და ლუცკის “ვოლინის” შემოთავაზებას დავთანხმდი.

“ვოლინთან” ხელშეკრულება გავაფორმე, თუმცა ველოდები, როდის მისცემენ გუნდს ფეხბურთელის ოფიციალურად დამატების უფლებას. აქვე გეტყვით, რომ უკრაინული გუნდის გარდა, რამდენიმე სხვა შემოთავაზება მქონდა, მაგრამ მე ეს კლუბი ავირჩიე, რადგან ჩემი პრიორიტეტი უკრაინის ჩემპიონატია. აქ სეზონის განმავლობაში ბევრ ძლიერ მეტოქეს შევხვდებით და ეს ჩემს, როგორც ფეხბურთელის, განვითარებას მნიშვნელოვნად შეუწყობს ხელს.

 – რა მიზნებისთვის იბრძოლებს “ვოლინი” ამ სეზონში?

– ამ სეზონში ჩვენ მიზნად დაგვისახეს, მინიმუმ, “ევროპის ლიგის” ზონაში მოხვედრა.

 – უკრაინის ჩემპიონატში გადასვლა, თქვენი აზრით, როგორ აისახება სანაკრებო კარიერაზე?

– ჩემი აზრით, თუ აქ თავს კარგად წარმოვაჩენ, ძალიან გაიზრდება იმის შანსები, რომ ეროვნულ ნაკრებში რეგულარულად გამომიძახონ და ჩემი ქვეყნის ღირსება დავიცვა.

დღეს გაიმართება “ჩემპიონთა ლიგის” მეორე საკვალიფიკაციო ეტაპის პირველი შეხვედრა თბილისის “დინამოსა” და ერევნის “ალაშკერტს” შორის. წელს  “დინამოელებისთვის” ეს პირველი გამოსვლა იქნება ევროტურნირებზე.

ნახსენებ შეხვედრასთან დაკავშირებით Fanebi.Com-თან დედაქალაქური კლუბის მოთამაშემ, ლაშა პარუნაშვილმა ისაუბრა.

“დღევანდელ მატჩში “დინამო” ფავორიტია და ამის დადასტურებას მოედანზე აუცილებლად შევეცდებით. ვნახეთ “ალაშკერტის” პირველი შეხვედრა “სანტა კოლომასთან” და ნამდვილად კარგი შთაბეჭდილება დატოვეს მისმა ფეხბურთელებმა. თუმცა, თუ ჩვენ 100%-ით ვკონცენტრირდებით მატჩზე და დიდი ყურადღებით ვითამაშებთ, არ გაგვიჭირდება მეტოქის დამარცხება.”

“რაც შეეხება მიზანს… გეტყვით, რომ  ყველა მოწინააღმდეგესთან გვინდა პირველ ნომრად თამაში. ვფიქრობ, არც ეს შეხვედრა იქნება გამონაკლისი და დღეს დომინანტები ჩვენ  ვიქნებთ,” – განაცხადა ახალგაზრდა ფეხბურთელმა.

ლაშას ვკითხეთ, არის თუ არა წლევანდელი “დინამო” წინა წლების (5-6 წლის) გუნდთან შედარებით უფრო ძლიერი და აქვს თუ არა მეტი შანსი, რომ გავიდეს ჯგუფურ ეტაპზე:“ჩემი აზრით ნამდვილად უფრო ძლიერები ვართ. ამის მთავარი მიზეზი ისაა, რომ წარსულისგან განსხვავებით ახლა ძირითადი ბირთვი შენარჩუნებულია და, შესაბამისად, დღეს უფრო შეთამაშებულ და თავდაჯერებულ “დინამოს” იხილავთ.”

პარუნაშვილს ბოლოს პაპუნაშვილის დაბრუნებაზეც ვკითხეთ:“გიორგი ძალიან დიდი ძალაა ჩვენთვის, რაც დაამტკიცა, თუნდაც, წინა ევროთასებზე. როგორც მისი, ასევე სხვა ყველა მთავარი პლუსის გამოყენება გვჭირდება, რათა ეროტურინირებზე მივაღწიოთ წარმატებას.”

დღეს თბილისის “დინამო” სომხურ “ალაშკერტთან” “ჩემპიონთა ლიგის” მეორე საკვალიფიკაციო ეტაპის ეგიდით გამართავს შეხვედრას. აღნიშნულ მატჩთან დაკავშირებით Fanebi.Com-თან ქართული კლუბის ნახევარმცველმა, მათე ცინცაძემ ისაუბრა.

“ფავორიტები ვართ და ეს სტატუსი უნდა გავამართლოთ. პირველ რიგში, აუცილებელია სახლის ფაქტორი გამოვიყენოთ. ჩვენ საკუთარ კედლებში უნდა ვიასპარეზოთ, რაც უპირატესობას გვანიჭებს. ასევე, გეტყვით, რომ  “დინამო არენაზე” მაქსიმალურად აგრესიულ და შემტევ ფეხბურთს ვითამაშებთ.”

“დინამო” დიდი ხანია ცდილობს წარმატების მიღწევას ევროტურნირებზე. ვერ ვიტყვი, რომ წელს გუნდი წინა წლებთან შედარებით რამით ძლიერი ან სუსტია. უბრალოდ, ჩვენ ჩვენი თავის უნდა ვირწმუნოთ, გავიდეთ მოედანზე და წარმატებისთვის ვიბრძოლოთ!” – განაცხადა მათე ცინცაძემ.

საქართველოს ფეხბურთის ფედერაციის ტექნიკურ ცენტრ „ბასაზე“ მსაჯთა სემინარი მიმდინარეობს. სასწავლო კურსი თეორიულ და პრაქტიკულ სამუშაოებს აერთიანებს. სემინარს მთელი საქართველოდან მოწვეული 20 ახალგაზრდა მსაჯი ესწრება. მათი უმეტესობა ასევე ჩართულია „რეგიონთა თასის“ გათამაშებაში. სემინარი ფიფას სტანდარტების შესაბამისად საქართველოს ფეხბურთის ფედერაციის ორგანიზებით ტარდება. ოთხდღიანი კურსის ფარგლებში დღეს ახალგაზრდა მსაჯებს სფფ-ის პირველი ვიცე პრეზიდენტი კახა ჭუმბურიძე შეხვდა. სემინარის მონაწილეები დღეს საღამოს ჩემპიონთა ლიგის მეორე საკვალიფიკაციო ეტაპის მატჩს დაესწრებიან, რომელიც “დინამო თბილისსა” და ერევნის “ალაშკერტს” შორის 21 საათზე დაიწყება.

სფფ-ის პრესსამსახური

თბილისის “დინამომ” “ჩემპიონთა ლიგის” მეორე საკვალიფიკაციო ეტაპზე საკუთარ მოედანზე ერევნის “ალაშკერტს” უმასპინძლა და სომხური კლუბი ანგარიშით 2-0 დაამარცხა. გოლები ოთარ კიტეიშვილმა და გიორგი ქვილითაიამ გაიტანეს.

პირველი გოლის ავტორმა Fanebi.Com-თან ისაუბრა…

“ძალიან მნიშვნელოვანი შეხვედრა იყო. ფავორიტები ვიყავით და, რა თქმა უნდა, მოსაგებად გავედით მოედანზე. მეტოქე  თავიდანვე აგრესიულად ცდილობდა თამაშს, თუმცა გავიტანეთ თუ არა პირველი გოლი, მარტივად რომ ვთქვათ, ისინი გატყდნენ. ამის შემდეგ ჩვენ ბევრი საგოლე მომენტი შევქმენით. ამან შედეგი გამოიღო და პენალტი დაინიშნა ჩვენს სასარგებლოდ. საბედნიეროდ, ქვილითაიამ გამოიყენა თერთმეტრიანი და ორამდე გავზარდეთ უპირატესობა. მეტოქესაც ჰქონდა მომენტები, მაგრამ ჩვენ თავს კარგად ვიცავდით.”

“საბოლოოდ, იმას ვიტყვი, რომ 2-0 ჩვენთვის სასურველი შედეგია. უპირველესი დავალება გოლის არგაშვება იყო, რაც კარგად შევასრულეთ. გამომდინარე იქედან, რომ ორ ბურთიანი უპირატესობა გვაქვს, თუ ვინმემ უნდა იფიქროს გოლებზე მეორე თამაშში, ეს “ალაშკერტია”. ჩვენი მთავარი ამოცანა განმეორებით შევხედრაში საკუთარი კარის მშრალად შენახვა იქნება,” – განუცხადა Fanebi.Com-ს დღევანდელ მატჩში პირველი გოლის ავტორმა.